Kabhi Kabhi .....

کبھی کبھی یہ دل چاہتا ہے

تمہاری شاموں کا حال پوچھوں

سوال پوچھوں

کہ فکر فردا میں کیسی گزری

یونہی کبھی میرا نام آیا تمھارے ہونٹوں پہ ایک پل کو ؟

میری محبت کی یاد مہکی کبھی تمھارے بھی راستوں میں ؟

کبھی کسی دن تمہاری صبح کے در پہ جاگی صداے دستک

کبھی عبادت کی کیفیت میں تمہیں میرا بھی گمان گزرا ؟

تمھارے صحن دعآ سے میرا بھی دھیان گزرا

کبھی تمھارے بدن پہ بھی شب عذاب بن کے ٹھہر گئی تھی

کبھی کبھی دل یہ چاہتا ہے سوال پوچھوں

مگر میں چپ ہوں

ہمارے درمیان یہ جو اجنبیت ہے یہ غنیمت

اسی میں چپ حرف و لب ہیں

یہیں پہ ترک و طلب کی حد ہے .

Tujhay Mil Sakay Jo Fursat........

تیری چاپ سننے والا ، تیرا منتظر ہے اب تک
ابھی کل تلک یہ راستہ تیری رہگزر رہا ہے
تجھے مل سکے جو فرصت ، تو یہ دیکھ تیری خاطر
کوئی کیسے جی رہا ہے ، کوئی کیسے مر رہا ہے

Tum Ko Is Se Kiya ???

ٹوٹی ہے میری نیند ، مگر تم کو اس سے کیا

بجتے رہیں ہواؤں سے در ، تم کو اس سے کیا

اوروں کا ہاتھ تھامو ، انھیں راستہ دکھاؤ

میں بھول جاؤں اپنا ہی گھر ، تم کو اس سے کیا

لے جائیں مجھے مال غنیمت کے ساتھ عدو

تم نے تو ڈال دی ہے سپر ، تم کو اس سے کیا

تم نے تو تھک کے دشت میں خیمے لگا لیے

تنہا کٹے کسی کا سفر تم کو اس سے کیا

Udas aur Tanha

..........آج دل بہت اداس ہے

Raah Se Bhatkain.......

Not Feelin Gud Today ..........

تجھے روز دیکھوں قریب سے
میرے شوق بھی ہیں عجیب سے
میرے سب دُکھوں کی دوا ہو تم
ملے کیا سکوں پھر طبیب سے

Mere Ajnabi !!!

میرے اجنبی ، میرے بے خبر
میرے ہاتھ میں کہاں یہ ہنر
کہ میں بیچ راہ سے واپسی کا
خیال دل میں بھی لا سکوں

میرے چارہ ساز و رفیق جان
میرے اجنبی ، میرے آشنا
کوئی ایسا ویسا گمان نہ کر

مجھے تیرے ساتھ سے بڑھ کے تو
کسی ہمسفر کی طلب نہیں
کہ جو ہاتھ میں تیرا ہاتھ ہے
تو سفر ہی میری حیات ہے
یہ سفر تھمے گا
تو میرا نام و نشان کہاں
میرے ہمسفر
میں تیرے بنا
کہیں موت و زیست کے درمیان
نہ زمین میری نہ آسمان

میرے بدگمان میرے مہربان
میرے راہ بر
میری التجاؤں پہ دھیان کر
میری زندگی کے سفر کو دل سے دوام دے
میری منزلوں کو دھواں نہ کر
تیرا ساتھ ہے میری زندگی
مجھے اس طرح بے امان نہ کر

Mujhe Uski Zaroorat Hai

!!!!.......اُسے کہنا

میری سوچیں ہراساں ہیں
میرے جذبے پریشان ہیں
..پریشان ہے
میرا دل بھی
!!!اُسے کہنا

کہ
پہلے سے بھی کہیں زیادہ
کہیں بڑھ کر
مجھے اسکی ضرورت ہے