Yea Thaka Thaka Sa Chand ...!!

 یہ تھکا تھکا سا جو چاند ہے
یہ تو خواب ہے کسی آنکھ کا
جسے جاگنے کی سزا ملی
یہ جو چاند ہے یہ عذاب ہے
وہ عذاب
جس نے ملا دیا ہے گلاب لمحوں کو خاک میں
یہ جو چاند ہے یہ جواب ہے
کسی اس طرح کے سوال کا
کہ جو آج تک نہ اٹھا کبھی کسی ذھن میں
یہ جو چاند ہے
یہ تو باب ہے کسی درد کا
کسی ہجر کا کسی وصل کا
کسی زرد زرد سی فصل کا
یہ تھکا تھکا سا جو چاند ہے
کبھی بن پڑے تو یہ اس سے پوچھ کے دیکھنا
اسے گہری گہری سی نیند سے
بھلا کس نے آ کے جگا دیا ؟
اسے روگ کس نے لگا دیا