کبھی یوں بھی ہوتا ہے
وہ ہمسفر جو ،
زمانوں پہ پھیلی ہوئی اک مسافت
کو چاہت کے بادل کے سائے تلے
قدم درقدم کاٹتے چلے جا رہے تھے .
اچانک کسی اجنبی موڑ پر ایک لمحے کو رکتے ہیں
تو دیکھتے ہیں
نجانے کدھر سے ہوائے جدائی کا اک تیز جھونکا
تعلق کے سارے دیوں کو بجھاتا
دلوں میں ِگلوں کی فصیلیں اٹھاتا ، بڑھا آرہا ہے
اور اسکی اڑی ہوئی ہوئی گرد
لمحوں میں بے شکل کرتی ہے
عمروں پہ پھیلے ہوئے فاصلوں کو !!!!
No comments:
Post a Comment